United me hap të madh drejt finales në Europa League, "shkatërron" Bilbaon 0-3

Manchester United e ka fituar bindshëm ndeshjen e parë gjysmëfinale, duke mundur si mysafir Athletic Bilbaon, 0-3. Anglezët e nisën furishëm takimin e sontëm, duke shënuar qysh në minutën e gjashtë me anë të Garnachos, por që goli u anulua nga sistemi VAR, si shkak i pozitës jashtë loje, raporton Klankosova.tv Megjithatë 24 minuta më vonë Casemiro i jep avantazhin mysafirëve, kurse vetëm pas pak, një ndërhyrje e Vivian në zonë, penalizohet me karton të kuq dhe penallti. Bruno Fernandez e ekzeuton saktë 11-metërshin për 0-2, kurse fare në fund të pjesës së parë, i njejti futbollist e vendos rezultatin pëfundimtar. Pas këtij triumfi, 20 herë kampionët e Anglisë do të jenë më komod për duelin e kthimit, ku i duhet mos të humb me tri gola diferencë.