Prokurorët Ukrainas, po e marrin në pyetje një nënë 20 vjeçare, e cila i ka harruar dy të vegjlit e saj në apartament për nëntë ditë, dhe njëri nga ta ha humbur jetën, shkruan BBC, transmeton Klan Kosova.
Nëna me emrin Vladislava Podchapko, kishte shkuar tek shtëpia e të dashurit të saj, duke mos iu lënë ushqim fëmijëve.
Djali i saj Daniil, vetëm 11 muajsh, ka vdekur me 3 dhjetor. Motra e tij Anya, rreth tre vjeçare, kishte mbetur në banesën në Kiev, së bashku me trupin e vdekur të vëllait të saj për më shumë se tri ditë, derisa nëna është kthyer.
Ukrainasit janë shokuar nga kjo ngjarje dhe kanë dhënë shumë komente në rrjetet sociale.
Anya për momentin ndodhet në kujdes intensiv në spital dhe gjendja e saj po përmirësohet. Doktorët janë përpjekur ta ushqejnë dhe ajo është vizituar edhe nga babai e gjyshja e saj.
●●●
DLSHKRIMI NGA
Donika Lamaxhema
Editorial nga Klan Kosova — ndjek lajme dhe zhvillimet e tjera kryesore të vendit.
