Ukraina thotë se nuk synon civilët gjatë ofensivës në rajonin e Kurskut

Ukraina i bindet ligjit ndërkombëtar humanitar dhe nuk synon civilët gjatë inkursionit të saj aktual në rajonin perëndimor të Kurskut të Rusisë, tha të hënën zëdhënësi i Ministrisë së Jashtme të Ukrainës.

Më herët të hënën, Rusia tha se të paktën 56 civilë ishin vrarë dhe 266 u plagosën gjatë inkursionit të Ukrainës.

"Duke pasur parasysh historinë e gjatë të Rusisë të numrave të rremë dhe propagandës, thjesht nuk ka asnjë mënyrë për të verifikuar pretendimet e tyre. Nëse Rusia dëshiron të tregojë situatën reale në terren, ajo mund t'i japë një akses të tillë OKB-së dhe KNKK-së", Heorhiy Tykhyi, zëdhënës tha për Reuters, duke përdorur akronimet për Kombet e Bashkuara dhe Komitetin Ndërkombëtar të Kryqit të Kuq, shkruan Reuters, transmeton Klankosova.tv