Lajmet e fundit
Ukraina ka nisur evakuimin e detyruar të rreth 1,000 fëmijëve nga zonat afër vijës së frontit teksa Rusia i ka intensifikuar sulmet.
Prindërve u është thënë se duhet t'i zhvendosin familjet e tyre të sigurta nga 31 vendbanime në rajonet Kherson dhe Donetsk.
Kushdo nën moshën 18-vjeç duhet të shoqërohet nga një prind ose kujdestar. Zyrtarët ukrainas kanë urdhëruar evakuime të tilla edhe më parë kur luftimet janë intensifikuar.
Zyrtarët thonë se shumë fëmijë jetojnë nën granatime të vazhdueshme dhe këmbëngulin se tani është shumë e rrezikshme që ata të qëndrojnë në shtëpi.
Të shoqëruar nga oficerët e policisë - me fuqinë për të detyruar familjet të ikin - ata tani po shkojnë derë më derë për të bindur prindërit të largohen me fëmijët e tyre.
Kievi u ka premtuar familjeve kalim të sigurt në pjesë më të sigurta të vendit ku atyre do t'u jepet strehim falas dhe vende në shkolla dhe çerdhe.
Ukraina thotë se trupat ruse kanë nisur sulme të mëdha në disa zona përgjatë frontit lindor ditët e fundit dhe kanë intensifikuar granatimet në jug. Dyshohet se Moska planifikon sulme në infrastrukturën kritike me afrimin e dimrit, shkruan BBC, transmeton Klankosova.tv.
