Ukraina dhe Rusia akuzojnë njëra-tjetrën për qindra shkelje të armëpushimit

Ukraina dhe Rusia kanë akuzuar njëra-tjetrën për qindra shkelje të një armëpushimi të shkurtër që përkon me festimet e Pashkëve Ortodokse.

Ushtria ukrainase tha të dielën në mëngjes se forcat ruse kishin kryer 2,299 shkelje që nga fillimi i armëpushimit në orën 16:00 sipas kohës lokale (13:00 GMT) të shtunën.

Ministria ruse e mbrojtjes, nga ana tjetër, tha se forcat ukrainase kishin kryer 1,971 shkelje, duke përfshirë tre përpjekje për kundërsulme në rajonin e Dnipropetrovskit, shkruan BBC, transmeton Klankosova.tv. 

Presidenti ukrainas Volodymyr Zelensky tha më parë se forcat e vendit të tij do t'u përgjigjeshin "në mënyrë simetrike" sulmeve ruse gjatë armëpushimit, duke e quajtur Pashkën "një kohë paqeje".

Ai shtoi se shpresonte që armëpushimi të mund të zgjatej përtej Pashkëve për të lehtësuar negociatat e paqes të cilat pothuajse kanë ngecur me shpërthimin e luftës në Lindjen e Mesme - por Rusia e hodhi poshtë idenë, duke thënë se sulmet e saj do të rifillonin të hënën.

Trupat ruse kryen 28 sulme dhe gati 2,000 sulme me dronë, tha ushtria ukrainase, por nuk përdorën bomba apo raketa.