Udhëheqësit e Commonwealth do të sfidojnë Britaninë e Madhe për dëmshpërblimet e skllavërisë

Krerët e qeverive të Komonuelthit po përgatiten të sfidojnë Mbretërinë e Bashkuar dhe të bien dakord për planet për të shqyrtuar drejtësinë riparuese për tregtinë transatlantike të skllevërve, ka mësuar BBC.

Downing Street këmbëngul se çështja nuk është në rendin e ditës për samitin e 56 vendeve të Komonuelthit, i cili fillon të premten në shtetin ishullor të Paqësorit, Samoa, transmeton Klankosova.tv.

Por burimet diplomatike thanë se zyrtarët po negocionin një marrëveshje për të kryer kërkime të mëtejshme dhe për të filluar një "bisedë kuptimplotë" rreth një çështjeje që mund ta lërë Mbretërinë e Bashkuar duke i detyruar miliarda paund dëmshpërblime.

Frederick Mitchell, ministër i jashtëm i Bahamas, tha për programin Today të BBC Radio 4: "Sapo të hapni temën, mund të duhet pak kohë që njerëzit të vijnë, por do të vijnë".