Udhëheqës të një instituti anglez vizitojnë BQK-në, flitet për bashkëpunimin në disa fusha

Një delegacion i Institutit të Financave Publike dhe Kontabilitetit nga Anglia ka vizituar Bankën Qendrore të Kosovës. Drejtori për çështje ndërkombëtare Hhalid Hamid dhe udhëheqësi i lartë David Watkins në CIPFA, janë pritur nga guvernatori Ahmet Ismaili. “Në takim është biseduar për mundësitë e bashkëpunimit në fusha me interesa të përbashkëta që lidhen me avancimin e kornizës së raportimit financiar, planeve të integritetit, lidershipit, ESG-së, edukimit financiar, digjitalizimit dhe auditimit të brendshëm”, thuhet në njoftimin e BQK-së, përcjell KlanKosova.tv. Në këtë takim është diskutuar edhe për ngritjen e kapaciteteve përmes shkëmbimit institucional, veçanërisht në fushën e standardeve ndërkombëtare për raportim financiar dhe llogaridhënien publike.