U2 kujton dhunën dhe spastrimin etnik të luftës në Kosovë (VIDEO)

Një ndër bendet më të mëdha të muzikës rock, U2 , në mbrëmjen e së hënës zgjodhi që në Itali të përkujtojë dhunën dhe spastrimin etnik në Kosovë gjatë periudhës së luftës. U2 këtë element e faktoi duke shfaqur imazhe të demonstratave popullore duke fokusuar slloganet ''Ndal Spastrimit Etnik'' dhe ''Stop The Violence'' të cilat ishin shpalosur në Prishtinë, atëbotë kundër dhunës nga sistemi i Slobodan Millosheviq, njofton Klan Kosova. Këto imazhe ata i shfaqën në fillim të koncertit në Milano, bashkë me pamjet e vendeve që kanë vuajtur më së shumti nga Lufta e Dytë Botërore. Gazetari i Klan Kosovës, Kushtrim Sadiku, përcolli këtë ngjarje nga afër, ndërsa bendi i njohur irlandez solli në skenë edhe zhvillimet aktuale me të cilat po ballafaqohet bota perëndimore - kërcënimin e elementeve ekstreme të djathta e të majta. ''Mbrëmë isha dëshmitar i pamjeve të vatrave më të rënda të represionit, të cilat me mjeshtri shoqëroheshin nga fjalimi legjendar satiriko-politik i Charlie Chaplin me titullin 'Fjalimi i fundit nga Dikatori i Madh'.  Frontmeni Bono në vazhdimësi u solidarizua popullin e lënë pas dore nga politikanë dhe diktarorë të rrezikshëm, në fazën e dytë të turneut 'Experience and innocence Tour', duke bërë thirrje për një botë të drejtë e të dinjitetshme. Në aspektin artistik U2 dhuroi shoë të paparë deri më tani nëpër skenat më të rëndësishme të kulturës së popullarizuar. Bashkë me Edge, Adam Clayton e Larry Mullen interpretuan këngët më të rendësishme të diskografisë së tyre, të cilat rrallë e hiç i kishin performuar nëpër koncerte. Djemtë e Dublinit verior dhuruan mbrëmë një natë për ta mbajtur në mend'', shkruan Sadiku përmes Facebook, njofton Klan Kosova. https://www.youtube.com/watch?v=6DeDzsCGbsQ