U vendos një arkivol para një shtëpie në Viti, policia jep detaje

Një familje nga Vitia ka mbetur e tmerruar me veprimin e dy personave, të cilët në orët e para të së dielës e kishin vendosur një arkivol para hyrjes së shtëpisë së tyre. Lidhur me rastin detaje kanë dhënë nga policia e Kosovës. Zëdhënësi rajonal i Gjilanit, Valon Osmani, ka deklaruar se arkivoli ishte i zbrazët. Osmani tha se tashmë hetimet kanë nisur në koordinim me Prokurorinë e Shtetit. "Njësite policore relevante menjëherë kanë dalë në vendin e ngjarjes dhe në koordinim me Prokurorinë e Shtetit kanë filluar hetimet në identifikimin e personave të dyshuar, ndriçimin dhe sqarimin e të gjitha rrethanave të rastit", tha Osmani për Klankosova.tv https://klankosova.tv/dy-persona-vendosin-nje-arkivol-para-nje-shtepie-ne-viti/