U përgatitën të vrasin një person, policia arreston katër të dyshuar

Katër burra janë arrestuar, të cilët dyshohen se kanë planifikuar përgatitjen e vrasjes së një personi. Policia bën të ditur të dyshuarit janë arrestuar në Pejë dhe në Prishtinë, teksa thuhet se janë zënë në flagrancë duke pranuar armët për kryerje të veprës, transmeton Klankosova.tv. Policia gjatë kontrollit në lokacione të ndryshme, kanë gjetur dhe sekuestruar dy armë, municion të kalibrave të ndryshme si dhe disa dëshmi tjera të rëndësishme. Me vendim të prokurorit pas intervistimit tre të dyshuarit janë dërguar në mbajtje, ndërsa njëri është liruar në procedurë të rregullt. “Janë arrestuar katër të dyshuar meshkuj  kosovarë, pasi që të njëjtit dyshohet se kanë planifikuar përgatitjen e vrasjes së viktimës. Të dyshuari janë zënë në flagrancë duke pranuar armët për kryerjen e veprës. Gjatë operacionit policor janë kontrolluar vendbanimet e të dyshuarave në katër lokacione të ndryshme ku gjatë kontrollit janë gjetur dhe sekuestruar dy armë, municion të kalibrave të ndryshme si dhe disa dëshmi tjera të rëndësishme”, thuhet në njoftimin e policisë.