U kapen me rreth 1 milion euro në Merdare, kërkohet paraburgim për tre të dyshuarit

Prokuroria Speciale e Kosovës ka kërkuar paraburgim për tre persona të arrestuar më 24 shkurt, të dyshuar për shpërlarje parash. Ata u ndaluan në Merdar teksa hynin në Kosovë me një furgon “Sprinter” me targa shqiptare, duke deklaruar se nuk kishin asgjë për të raportuar. Gjatë kontrollit u zbuluan 18 pako me rreth 1 milion euro të fshehura në një hapësirë të modifikuar të automjetit. Në mesin e të dyshuarve është edhe polici shqiptar Aurel Kaziu. Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata. https://klankosova.tv/111u-arrestua-ne-merdare-me-1-milion-euro-pezullohet-nga-detyra-polici-i-tiranes/