Tymosja e kanabisit ndikon tek pasardhësit, disa vjet pas ndalimit të përdorimit

Tymosja e kanabisit mund të shkaktojë dëme tek fëmijët, të cilët kanë ardhur në jetë disa vjet pasi prindërit kanë ndërprerë konsumimin e kësaj droge, ka treguar një studim i zhvilluar së fundmi.

Hulumtuesit kanë treguar se përdorimi i kanabisit mund të nxitë ndryshime permanente gjenetike, të cilat mund rrisin gjasat që gjeneratat e ardhshme të konsumojnë droga.

Shkencëtarët kanë thënë se faktet që tregojnë se këto veprime në adoleshencë kanë efekte afatgjate gjenetike, janë në rritje. Gjithashtu ata kanë paralajmëruar se këto ndryshime gjenetike mund të barten tek fëmijët përmes AND-së në spermë dhe vezë.

Gjenet tona vazhdimisht pësojnë ndryshime, varësisht nga eksperiencat jetësore – mënyra si ushqehemi apo stresi që absorbojmë.