Këngëtari dhe tenori, Kastriot Tusha është shprehur tejet i kënaqur me organizimin e koncertit në Teatrin Klan Kosova dhe premtoi një natë përplot emocion.
Tusha tregoi që programi do të jetë i larmishëm duke përfshirë kanconeta, këngë nga jugu, këngë klasike e popullore.
“Do të jetë një mbrëmje e bukur që do të ngelet si emocion i mirë tek spektatorët”
“Programi do të jetë i larmishëm, është një përzgjedhje që ka për qëllim të bëj disa thyerje” ka thënë Kastriot Tusha në një intervistë në Zona B të Klan Kosovës.
Si njëri nga këngëtarët që dëgjohet në të gjitha trevat shqiptare Kastriot Tusha u shpreh që ndjehet si artist kudo që është.
“Unë hy si artist dhe dal si artist kudo që jam” u shpreh Tusha.
Ai pati edhe kritika lidhur me muzikën përderisa theksoi prezencën e plagjiaturës, tekstet ku banalizohet gjuha e mungesa e muzikës së mirëfilltë dhe përfaqësimit të saj.
Kujtojmë që Koncerti në Teatrin Klan Kosova do të fillojë nga ora 19:00, me ç’rast do të perfomojnë yjet e muzikës, Kastriot Tusha, Manjolla Nallbani, Vikena Kamenica, Leonora Jakupi, Yllka Kuqi dhe Selami Kolonja.
https://www.youtube.com/watch?v=QB_zFVBrOQM
●●●
ASHKRIMI NGA
A.B
Editorial nga Klan Kosova — ndjek lajme dhe zhvillimet e tjera kryesore të vendit.
