Turqia rreth 4 milionë euro për FSK-në, Brahaj: Mbështetje domethënëse për mbrojtjen e Kosovës

Kosova dhe Turqia kanë hedhur një tjetër hap strategjik për bashkëpunimin ushtarak. Dy shtetet kanë nënshkruar një marrëveshje financiare ushtarake, përmes së cilës Ankaraja do të mbështesë FSK-në me rreth 4 milionë euro, transmeton Klankosova.tv. Gazetari Sokol Brahaj, në emisionin “Kosova Today” tha se Turqia po ndihmon Kosovën me një mbështetje tejet të rëndësishme dhe në kohën e duhur. “Dihet që komshiu i sipërm, apo Serbia, po furnizohet me armë nga shumë vende, dhe një mbështetje e tillë nga Turqia është shumë domethënëse për mbrojtjen e Kosovës. Unë shoh që do të kemi marrëveshje edhe më të mëdha”, u shpreh ai në Klan Kosova. https://www.youtube.com/watch?v=4MjSbOqSCsk