Qeveria turke ka arrestuar 37 persona, të cilët akuzohen për postime "provokative" në mediat sociale lidhur me arrestimin e kryebashkiakut të Stambollit, Ekrem Imamoglu. Ky veprim është bërë pas protestave që shpërthyen pas ndalimit të tij.
Imamoglu, një rival i fortë politik i presidentit Recep Tayyip Erdogan, u arrestua për akuza korrupsioni dhe për lidhje me një grup terrorist. Arrestimi i tij shkaktoi reagime të fuqishme nga opozita, e cila e quajti veprimin një "përpjekje për grusht shtet" kundër presidentit të ardhshëm.
Pas arrestimit, mijëra protestues dolën në rrugë dhe kampuse universitare, veçanërisht në Stamboll dhe Ankara, duke brohoritur slogane kundër qeverisë, edhe pse autoritetet kishin vendosur një ndalim për tubimet për katër ditë, raporton Associated Press, transmeton Klankosova.tv.
Ministri i Brendshëm, Ali Yerlikaya, njoftoi se janë identifikuar 261 llogari në media sociale, përfshirë 62 jashtë vendit, që kanë shpërndarë postime që nxisin urrejtje dhe dhunë. Ai gjithashtu tha se 18.6 milionë postime janë bërë në X (Twitter) vetëm në 24 orët pas arrestimit të Imamoglu.
Përveç ndalimit të tubimeve, autoritetet mbyllën disa rrugë dhe kufizuan aksesin në media sociale, duke tentuar të kontrollojnë situatën. Ali Izar, një mbështetës i opozitës, e kritikoi arrestimin dhe tha se ky veprim nuk është demokratik.
Mbështetësit e Imamoglu vazhduan të protestojnë, duke u mbledhur në rrugë dhe sheshe. Yusuf Demirci, një tjetër mbështetës, tha: “Siç e patë dje, të gjithë janë në rrugë. Të gjithë janë në sheshe. Sheshet dhe kutitë e votimit do të jenë rezultat i kësaj.”
Po ashtu, autoritetet mbyllën një kompani ndërtimi në pronësi të Imamoglu dhe arrestuan një pjesë të stafi të tij në bashkinë e Stambollit.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
