Turan, 'dhjeta' e re e Barçës?

Lionel Messi që nga largimi i Ronaldinhos nga Camp Nou ka veshur fanellën me numër ‘10’ dhe rrallëkush do të mund ta përfytyronte duke bartur një tjetër numër.

Por, përforcimi i ri i katalanëve, Arda Turan thotë se ka ngelur i çuditur nga oferta e argjentinasit për t’i dhënë numrin.

“Dhjetën e kam në fanellën e kombëtares dhe e kam veshur tek Atletico”.

“Kur erdha këtu, Messi më tha se nëse e dua, ai do të ma jepte numrin me gjithë dëshirë”.

Barcelona nuk mund ta regjistrojë Turanin deri në janar, shkaku i ndalesës së transferimeve nga Fifa, ndaj vetëm atëherë mund t’a kuptojmë nëse Messi do të vazhdojë të jetë 10-ta brilante, apo atë numër do ta marrë Turan.

Barcelona sezonin e ri e fillon të martën, në Tbilisi, me ndeshjen ndaj Sevillas në kuadër të European Super Cup.