Truqet e gjyshërve mundin trendet e bukurisë

Dikush mund të humbasë lehtë në mesin e produkteve modern të bukurisë. Të tilla paraqiten çdo ditë, por ka diçka që nuk ndërron asnjëherë – truqet e gjyshërve, ato do të jenë në modë përgjithmonë :) Për flokë të shëndetshme Nëse flokët tuaj marrin nuancë të verdhë (kjo është veçanërisht për vajzat bjonde), lëngu i domates mund të jetë një ndihmë e madhe. Aplikoni atë në të gjithë gjatësinë si një maskë dhe lini atë për 10 minuta. Domatja neutralizon ngjyrën e verdhë dhe flokët tuaja do të duken të mrekullueshme përsëri. Aspirina mund të ndihmojë në luftën kundër zbokthit. Në mënyrë që ta hiqni qafe zbokthin, shtoni 2 pako tableta aspirinë në shamponin tuaj dhe lani flokët për dy javë. Flokët tuaja mund të duken bukur edhe pa përdorur ngjyra me kimikate – kamomili dhe limoni ju ndihmojnë shumë në këtë drejtim. Në një gotë me ujë të nxehtë hidhni 25g kamomil dhe lëreni atë për 1 orë. Më pas shtoni lëngun e gjysmës së limonit dhe aplikojeni në gjatësinë e plotë të flokëve. Mbajeni këtë përzirje në flokët tuaja për të paktën një orë ose më gjatë – më pas bëni dush dhe mbani flokët me një peshqir, transmeton Klan Kosova. Për lëkurë të shëndetshme Nëse, për shkak të mungesës së gjumit, shfaqen qarqe të errëta nën sytë tuaj, preni një patate në gjysmë dhe mbajeni atë në qarqet e errëta. Lëkura juaj do të bëhet më e butë brenda 15 minutash. Aloe mund të ndihmojë shumë në luftën kundër akneve. Ju duhet ta preni një fletë aloe në gjysmë dhe të aplikoni në zonën problematike me ndihmën e një ngjitësi, transmeton Klan Kosova.

klankosova.tv