Trupi i Artan Zymberit dërgohet në Norvegji për autopsi

Artan Zymberi nga Peja, por me nënshtetësi norvegjeze ka ndërruar jetë në një burg të Beogradit. Tashmë trupi i pajetë është dërguar në Norvegji, ku atje do t'i kryhet edhe autopsia. Këtë për klankosova.tv e ka konfirmuar axha i të ndjerit, Nexhat Zymberi. "Trupi i pajetë i është dorëzuar shtetit të Norvegjisë dhe tani jemi në pritje të autopsisë", ka thënë ai. Kujtojmë se kanë qenë familjarët e të ndjerit ata që kanë përhapur lajmin duke e aluduar se shkas për vrasjen e tij mund të kenë qenë tatuazhi i Adem Jasharit që e kishte në gjoks së bashku me emblemën e UÇK-së dhe Skënderbeun. Klikoni në linkun e mëposhtëm për t'u informuar më shumë rreth kësaj ngjarje. https://klankosova.tv/terhiqet-trupi-i-pajete-i-kosovarit-me-nenshtetesi-norvegjeze-qe-vdiq-ne-nje-burg-ne-serbi/

klankosova.tv