Lajmet e fundit
Analisti Adrian Zeqiri mendon se presidentit amerikan, Donald Trump, i duhen fitore të shpejta në arenën ndërkombëtare, prandaj triumfi në dialogun Kosovë - Serbi, do të mund të ishte një nga to.
“Znj. [Vjosa] Osmani e mori një letër prej presidentit Trump, zarfi i zi a i kuq, por varësisht se qysh, për themelimin e shpejtë të institucioneve. Z. Trump është në kërkim të fitoreve të shpejta, edhe aty ku kaniher është vështirë të arrihen, në pamundësi të zgjidhjes së çështjes së Ukrainës, është në kërkim të një elementi që do ta shfaqte atë si triumfues”, ka thënë Zeqiri në Info Magazine të Klan Kosovës.
Ashtu mendon edhe analisti tjetër, Rrahman Paçarizi, por vuri theksin te vigjilenca e Kosovës në raport me “këtë uri” të Trumpit.
“Paparashkueshmëria e z. Trump është dëshmu në shtator të 2020-tës, kur ka qenë kulmi i bisedimeve…”
“Z. Trump i duhen fitoret të shpejta, por Kosova duhet ta ketë parasysh këtë uri të z. Trump, këtë nevojë të z. Trump për fitore të shpejta”.
Ndërkaq, Visar Rrecaj thotë se Kosova duket se e ka gjetur një mënyrë ta shmangë “përballjen” me të parin e Amerikës.
“Krejt liderët po përtojnë me u përballë, e Kosova si duket e ka gjetur solucionin. Mos i krijo institucionet edhe ti nuk përballesh me Trumpin, kështu që në aspektin e sigurisë, edhe në atë juridik, një njohje reciproke pa një dialog strategjik mes ShBA-së unë nuk e pres“ ka thënë Rrecaj në Info Magazine të Klan Kosovës.
