Trumpi njofton 7 miliardë dollarë për Gazën nga aleatët, 10 miliardë nga Amerika

Presidenti amerikan, Donald Trump, është duke e kryesuar takimin e parë të Bordit të tij të Paqes, me çështje të pazgjidhura mbi të ardhmen e Gazës. Ai tha se SHBA-të do të kontribuojnë 10 miliardë dollarë në Bordin e Paqes. Kreu i shtetit amerikan nuk dha detaje specifike se për çfarë do të shkonin fondet, transmeton Klankosova.tv. Në fjalën e tij, presidenti amerikan  tha se udhëheqësit e disa kombeve, përfshirë Kazakistanin, Azerbajxhanin, Emiratet e Bashkuara Arabe, Marokun, Bahreinin, Katarin, Arabinë Saudite, Uzbekistanin dhe Kuvajtin "kanë kontribuar të gjithë me më shumë se 7 miliardë dollarë për paketën e ndihmës". "Kjo është shumë mirë. Faleminderit, djema", tha Trump, duke shtuar se "shumë të tjerë po kontribuojnë... Ky është takimi ynë i parë".