Trumpi fitoi - por nuk do të jetë në Shtëpinë e Bardhë edhe 74 ditë

Donald Trumpi tashmë ka siguruar rrugën e tij të kthimit në Shtëpinë e Bardhë, por ai nuk është ende zyrtarisht president, raporton BBC, transmeton Klankosova.tv .

Trumpit do t’I duhen më shumë se dy muaj para se të kthehet në Zyrën Ovale.

Dorëzimi i pushtetit nga SHBA-ja është shumë i ndryshëm nga mënyra se si bëhen gjërat në Mbretëri të Bashkuar por edhe në vende të tjera.

Në korrik, Sir Keir Starmer u vendos si kryeministër brenda disa orësh pas mbylljes së qendrave të votimit dhe para se Rishi Sunak të kishte paketuar gjërat e tij.

Përtej Atlantikut, gjithçka zgjat pak më shumë.

Trumpi nuk do të ketë inaugurimin e tij deri më 20 janar dhe Joe Biden do të qëndrojë në pushtet deri atëherë - megjithëse ai do të jetë shumë i kufizuar politikisht në atë që mund të bëjë.