Trump thotë se Irani telefonoi këtë mëngjes: Donin marrëveshje

Presidenti i SHBA-së, Donald Trump ka deklaruar se administrata e tij ka marrë një telefonatë "nga pala tjetër" këtë mëngjes, duke iu referuar Iranit. Ai ka shtuar se "ata do të donin shumë të bënin një marrëveshje", raporton BBC. Komentet e tij për gazetarët në Shtëpinë e Bardhë vijnë më pak se tre orë pasi SHBA-ja vendosi një bllokadë detare në portet iraniane, dhe pas bisedimeve maratonë në Pakistan këtë fundjavë që dështuan të jepnin një marrëveshje. Trump pohoi se pika e ngërçit në bisedimet me Teheranin "ishte çështja bërthamore", duke shtuar se "Irani nuk do të ketë një armë bërthamore". Irani paralajmëron se anijet e Marinës Amerikane që përpiqen të bllokojnë portet e saj do të "dërgohen në fund të detit". “Irani po shantazhon vërtetë botën dhe s’do të lejojë kjo të ndodhë”, ka thënë Trump në konferencë për media. /Klankosova.tv