Lajmet e fundit
Donald Trumpi është duke e shqyrtuar mundësinë që t’u japë dy “shokëve të tij gazetarë”, Joe Rogan dhe Megyn Kelly nga një ulëse në dhomën e shtypit e mediave, në Shtëpinë e Bardhë.
Këtë gjë e ka potencuar djali i presidentit të zgjedhur amerikan, Donald Trump Xhuniori, që ka thanë se baba ii tij e ka mirëpritur këtë ide, e cila, sipas tij, mund të bëjë që të shpërthejnë “disa koka” mospajtuese e refuzuese të këtij vendimi potencial.
Shtëpia e Bardhë ka dhomën e shtypit në të cilën i kanë rezervuar ulëset e tyre 29 gazetarë, pothuajse të gjithë përfaqësues të mediave kryesore në Amerikë.
Dy të propozuarit e rinj, Rogan dhe Kelly, nuk i përkasin gazetave dhe televizioneve ose radiove tradicionale, por janë autorë të podcasteve të rëndësishme, që kanë bërë një revolucion, sidomos kohëve të fundit. Të dy kanë bërë intervista me Trump dhe për këtë konsiderohen si “miq” të tij.
Trump Xhunior tha se medieve jo tradicionale duhet ofruar mundësia të ulen në dhomën e shtypit në Shtëpinë e Bardhë pasi që besimi i konsumuesve të lajmeve në mediat “kryesore” po zbehet, teksa shtoi se shumë prej tyre janë të anshëm në raport me presidentin e ri dhe familjen e tij.
“Nëse New York Times ka gënjyer, ata kanë qene kundërshtarë të gjithçkaje, ata funksionojnë si krahu i marketingut të Partisë Demokratike, pse të mos hapet Shtëpia e Bardhe edhe për njerëz që kanë shikueshmëri dhe ndjekës më shumë”, tha ai, transmeton Klankosova.tv.
Megjithatë, nuk do të jetë edhe aq lehtë t’u epet ky privilegj Rogan dhe Kelly. Është e vërtetë që Shtëpia e Bardhë ka autoritet për t’i lëshuar kartelat kredenciale gazetarëve, por aranzhimet e ndarjes së ulëseve në dhomën e shtypit i përcakton Asociacioni i Korrespondentëve të Whitë House, e cila operon në mënyrë të pavarur nga administrate e këtushme.
Gjatë mandatit të tij të parë, Trump i ndaloi disa gazetarë të caktuar nga brifingjet e tij. Rasti më i njohur është ai i Jim Acosta të CNN. Pas një beteje ligjore, Shtëpia e Bardhë u detyrua t’ia kthejë akreditimin këtij gazetari.
Arsyeja pse presidenti i ri mund t’u bëjë vend dy podcasterëve në Shtëpinë e Bardhë është se ata, sikur edhe disa tjerë, i kanë ofruar atij mundësi, që përmes mediave të tyre, të përçojë mesazhet e veta te amerikanët që nuk konsumojnë vetëm produktet informative tradicionale. Target i dëshiruar i Trumpit, në këto raste, kanë qenë të rinjtë.
Rogan është befasuar me aftësinë e presidentit për t’u përgjigjur në të gjitha pyetjet dhe për të qëndruar gjatë në intervistë.
“Podcasti ishte i gjatë, tre orë. Tipi (Trump) nuk u pshurr para podcastit. Nuk u pshurr as pas podcastit. Thjesht doli dhe iku, kur u krye” tha ai.
