Trump paralajmëron rënie të madhe të çmimit të naftës nëse ShBA arrin marrëveshje me Iranin

Presidenti amerikan, Donald Trump ka deklaruar se çmimi i naftës do të "bie si shkëmb" nëse arrihet një marrëveshje për t'i dhënë fund luftës me Iranin. Çmimet e naftës janë rritur ndjeshëm që nga fillimi i konfliktit, me Iranin që kërcënon anijet në kanalin kryesor të transportit detar, Ngushticën e Hormuzit. Trump ka thënë para gazetarëve se "kemi një shans shumë serioz për një marrëveshje", por shton "kjo nuk garanton asgjë; unë nuk po garantoj asgjë". Presidenti amerikan gjithashtu pretendon se të dy vendet po diskutojnë 15 pika për t'i dhënë fund luftës, me Iranin që heq dorë nga armët bërthamore si pika "numër një, dy dhe tre". Megjithatë, Trump thotë se dëshiron të shohë një "formë shumë serioze të ndryshimit të regjimit".