Trump: Ngushtica e Hormuzit do të hapet së shpejti

Presidenti i ShBA-së, Donald Trump ka postuar përsëri në Truth Social ndërsa po zhvillohen bisedime të nivelit të lartë midis delegacioneve amerikane dhe iraniane në Islamabad. Ai përsërit pohimin e tij se ShBA ka shkatërruar ushtrinë e Iranit, "duke përfshirë të gjithë Marinën dhe Forcën Ajrore të tyre, dhe gjithçka tjetër", shkruan BBC, transmeton Klankosova.tv. Trump pohon se "ngushtica e Hormuzit do të hapet së shpejti" dhe përsërit atë që tha në postimet e mëparshme se anije cisternash bosh me naftë janë në rrugën e tyre drejt SHBA-së për t'u "ngarkuar". Sipas armëpushimit të kushtëzuar dyjavor me Iranin, Trump tha se kishte rënë dakord të "pezullonte bombardimet" nëse Teherani pranon të rihapë ngushticën. Teherani në fakt e kishte bllokuar rrugën ujore pasi ShBA dhe Izraeli nisën sulmet ajrore në vend më 28 shkurt.