Presidenti i ShBA-së, Donald Trump, ka urdhëruar që Departamenti i Mbrojtjes të njihet si Departamenti i Luftës.
Ai do të nënshkruajë një urdhër ekzekutiv të premten që Departamenti i Mbrojtjes të përdorë emrin e ri si titull dytësor dhe që Sekretari i Mbrojtjes, Pete Hegseth, të njihet si Sekretar i Luftës, shkruan BBC, transmeton Klankosova.tv.
Pentagoni i cili mbikëqyr shërbimet e armatosura të ShBA-së, është pasardhësi i Departamentit të Luftës, i cili u krijua për herë të parë si një agjenci në nivel kabineti në vitin 1789 dhe ekzistoi deri në vitin 1947.
Përgjegjësia për krijimin e departamenteve ekzekutive i takon Kongresit të ShBA-së, që do të thotë se do të kërkohet një amendament për të ndryshuar ligjërisht emrin e departamentit.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
