Gjatë ditës së sotme, Teherani paralajmëroi ShBA-në dhe Izraelin për sulme “shkatërruese” ndërsa goditjet vazhdojnë për javën e pestë radhazi.
Paralajmërimi erdhi vetëm disa orë pasi presidenti amerikan Donald Trump paralajmëroi se ShBA do ta godasë Iranin “jashtëzakonisht fort” gjatë dy deri në tre javëve të ardhshme - kjo është përplasja më e fundit e kërcënimeve mes dy vendeve, shkruan BBC, transmeton Klankosova.tv.
Më 21 mars, Trump tha se forcat amerikane do të “asgjësojnë” centralet energjetike iraniane nëse Teherani nuk rihap Ngushticën e Hormuzit brenda 48 orëve.
Kërcënimi u pasua me një sulm pranë qytetit izraelit Dimona, një zonë e lidhur me programin e padeklaruar bërthamor të Izraelit. Ndërkohë, Irani përsëriti se ngushtica mbetet e hapur për vendet që nuk marrin pjesë në sulmet kundër tij.
Më 23 mars, Trump tha se Uashingtoni dhe Teherani kishin pasur një “bisedë shumë të mirë dhe produktive” dhe shtyu sulmet ndaj infrastrukturës energjetike për pesë ditë.
Tre ditë më vonë, më 26 mars, pezullimi u zgjat në 10 ditë, pas asaj që ai pretendoi se ishte një kërkesë nga qeveria iraniane.
Më 31 mars, Garda Revolucionare Islamike rinovoi kërcënimet ndaj kompanive amerikane të teknologjisë që operojnë në Lindjen e Mesme, përfshirë Microsoft, Apple dhe IBM. Trump e hodhi poshtë kërcënimin, duke u thënë gazetarëve se dyshon çfarë mund të bëjë Irani, duke thënë nëse do të përdorin “BB guns” - një lloj arme ajrore që gjuan fishekë të vegjël, transmeton Klankosova.tv.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
