Trump adreson spekulimet për "vdekjen" e tij

Presidenti amerikan, Donald Trump, ka thënë se ka qenë në dijeni të shqetësimeve për shëndetin e tij, edhe pse kishte kaluar një fundjavë të gjatë dhe aktive. "E dija që po thoshin gjëra si: ‘A është mirë? Si po ndihet? Çfarë ka?’’" shpjegoi presidenti. "Dhe është gjithashtu një fundjavë e gjatë, apo jo? Është fundjava e Ditës së Punës, kështu që do të thosha që shumë njerëz... Jo, unë isha shumë aktiv këtë fundjavë. E kam dëgjuar, por jo në atë masë." Disa përdorues në platformën sociale X spekuluan gjatë ditëve të fundit se Trump kishte vdekur. Presidenti theksoi se në fakt kishte dhënë një intervistë për një media, kishte postuar në Truth Social dhe kishte vizituar një nga klubet e tij të golfit gjatë asaj kohe. "Ju e dini që bëra një intervistë që zgjati rreth një orë e gjysmë me dikë. Të gjithë e panë, ishte në një nga konkurrentët tuaj," i tha Trump gazetarit të Fox News, Peter Doocy, që e pyeti për thashethemet. "Ata gjithashtu e dinin që kam shkuar të vizitoj disa njerëz në klubin që zotëroj afër lumit Potomak. Jo, kam qenë shumë aktiv në fakt gjatë fundjavës," vazhdoi presidenti. " "Është goxha gjë serioze", tha ai për thashethemet për vdekjen e tij.