Lajmet e fundit
Lufta në Ukrainë po dëmton të gjithë botën sa më gjatë që vazhdon, aq më keq do të jenë pasojat për të gjithë, tha të enjten kryeministri kanadez Justin Trudeau.
Trudeau i bëri komentet e tij në një kohë kur Shtetet e Bashkuara dhe aleatët e saj akuzojnë entitetet kineze se po ndihmojnë përpjekjet ushtarake të Moskës, Washingtoni dhe Ukraina thonë se mijëra trupa të Koresë së Veriut ndodhen në Rusi.
"Të gjithë ne dhe i gjithë komuniteti ndërkombëtar duhet të bëjmë gjithçka që duhet për të ndihmuar në përfundimin e kësaj lufte agresioni", tha ai në një konferencë në Montreal se si të sigurohet kthimi i të burgosurve ukrainas dhe fëmijëve të ndaluar nga Rusia.
Trudeau, një nga mbështetësit më të sinqertë ndërkombëtarë të Ukrainës, akuzoi në mënyra të ndryshme Moskën për nxitjen e pasigurisë ushqimore, ndihmën në përhapjen e dezinformatave, inkurajimin e regjimeve të tjera totalitare dhe minimin e ligjit ndërkombëtar, tha ai.
"Të gjithë do të duhet të përballen me pasojat e kësaj lufte dhe këto vetëm do të përkeqësohen ndërsa pushtimi i Rusisë vazhdon", tha Trudeau.
Rusia i quan veprimet e saj në Ukrainë një operacion të posaçëm ushtarak, duke akuzuar Washingtonin dhe partnerët e saj të NATO-s për një luftë hibride në Ukrainë, shkruan Reuters, transmeton Klankosova.tv.
