Lajmet e fundit
Kremlini ka mohuar raportimet se presidenti rus, Vladimir Putin, ka folur me presidentin e zgjedhur të SHBA-së, Donald Trump, duke i quajtur raportimet e mediave “trillim tw pastër”.
Washington Post fillimisht raportoi se një telefonatë kishte ndodhur, duke cituar burime të paidentifikuara, dhe tha se Trumpi i kishte thënë Putinit se ai nuk duhet të përshkallëzojë luftën në Ukrainë. Reuters gjithashtu raportoi për një telefonatë.
“Është krejtësisht e pavërtetë. Është trillim i pastër; është thjesht informacion i rremë”, tha zëdhënësi i Kremlinit, Dmitry Peskov, kur u pyet për thirrjen. "Nuk ka pasur asnjë bisedë", shkruan The Guardian, transmeton Klankosova.tv.
“Ky është shembulli më i dukshëm i cilësisë së informacionit që po publikohet tani, ndonjëherë edhe në botime mjaft me reputacion,” tha Peskov.
Peskov shtoi se Putini nuk kishte plane specifike për të folur me Trumpin për momentin.
Sipas Washington Post, Trump i kujtoi Putinit "prezencën e konsiderueshme ushtarake të Uashingtonit në Evropë". Ai shtoi se Trumpi shprehu interes për bisedat pasuese mbi "zgjidhjen e luftës së Ukrainës së shpejti".
Telefonata e raportuar u bë pasi Putini të enjten e uroi Trumpin për fitoren e tij në zgjedhje dhe shprehu admirim për mënyrën se si Trumpi reagoi ndaj një atentati gjatë fushatës.
