Tri ndeshje sot në Euro 2024, përballen Serbia dhe Anglia

Tri ndeshje tejet interesante do të jenë në program në Kampionatin Evropian "Euro 2024". Të gjitha këto do të transmetohen ekskluzivisht në Klan Kosova dhe Artmotion. Loja kryesore e ditës së sotme do të zhvillohet në "Veltins Arena" në Gelsenkirchen. Përballë njëra-tjetrës do të jenë Serbia dhe Anglia. Kjo ndeshje nis nga ora 21:00. Ndeshja e parë e ditës së diele, do të filloj nga ora 15:00 me Poloninë dhe Holandën, të grupit D. Derisa përballja tjetër e grupit C do të luhet mes Sllovenisë dhe Danimarkës dhe nis nga ora 18:00.