Trepça - Peja, policia arrestoi një person – tentoi të hynte në zhveshtore të pejanëve për t’i sulmuar

Në palestrën “Minatori” mbrëmë pati tensione gjatë dhe pas ndeshjes në mes KB Trepçë dhe KB Pejës.

Në lidhje me këtë, policia ka bërë të ditur se është arrestuar një personi, pasi i njëjti pas përfundimit të ndeshjes kishte hyrë në lokalet e zhveshjes së KB Pejës dhe kishte tentuar t’i sulmoj lojtarët pejanë.

“I dyshuari gjithashtu nuk kishte përfillur urdhrat e zyrtarëve policor. Në lidhje me rastin është kontaktuar gjyqtarja kujdestare për kundërvajtje dhe sipas udhëzimeve të saj i dyshuari është intervistuar e me pas është liruar, rasti  vazhdon në procedurë të rregullt”, thuhet në raportin 24 orësh, transmeton Klankosova.tv.

Kujtojmë se KB Peja, pas ndeshjes pati një reagim, ku postoi edhe fotografi se sipas tyre, janë sulmuar gjatë ndeshjes kundër KB Trepçës.

https://klankosova.tv/kb-peja-u-sulmuam-gjate-lojes-me-trepcen-foto/