Trepça kërkon unitet nga Torcida dhe Plisat

Klubi i Basketbollit Trepça, nëpërmjet një publikimi në rrjetin social "Facebook", ka kërkuar unitet nga tifo grupi i tyre "Torcida" dhe ai i Prishtinës, "Plisat", para ballafaqimit të sotëm në finalen e Superkupës. "Vendi ynë asnjëherë ska pas nevojë më shumë se sot për unitet. Andaj edhe ne si klub i ftojmë tifozëritë e të dy ekipeve që të na bashkangjiten në këtë thirrje. E dijmë se rivaliteti në mes Trepçës dhe Prishtinës gjithmonë ka qenë, është dhe kurrë nuk do të vdes, po ashtu edhe rivaliteti në mes të Torcidës dhe Plisave asnjëher nuk do të shuhet, por sot vendi ynë dhe tifozëritë tona si asnjëherë më parë kanë nevojë të janë të përmbajtura dhe në përkrahje të Policisë së Kosovës. Të mos shkaktojmë probleme sepse sot më shumë se çdo herë vendi na thërret. Do të ketë kohë edhe për rivalitet, sot duhet të fitoj Kosova.", shkruhet në publikimin e klubit mitrovicas. Trepça dhe Prishtina do të ndeshen sot me fillim nga ora 17:00 në Pallatin e Rinisë dhe Sportit në kryqytet, ndërsa ky takim do të transmetohet direkt në Klan Kosova dhe kanalin "Sport 1" në platformën "Artmotion".