Tre tifozë të Ballkanit u lënduan, njëri nga ta i therur

Tre tifozë të Ballkanit janë lënduar mbrëmë në "Fadil Vokrri" para ndeshjes Prishtina - Ballkani, ku pati përleshje mes tifozëve.

Kështu konfirmoi për Klankosova.tv Jetullah Kuqi, zëdhënës i Fc Ballkanit.

"Janë  lënduar tre tifozë të Ballkanit. Njëri nga ta është ther me thikë. Gjendja e tyre është e mirë. Njëri nga tifozët e ka pasur gjendjen më të rëndë, por gjendja e tij është pëmirësuar dhe sot në mëngjes është liruar nga spital " - tha Kuqi.

Derbi i Superligës i takoi skuadrës nga Suhareka.

Skuadra e udhëhequr nga Ilir Daja, fitoi me rezultat 0:1.

Golin e vetëm e shënoi Albion Rrahmani, në minutën e 46-të.

Klankosova.tv ka kontaktuar lidhur me rastin edhe me policinë, por deri më tani nuk ka përgjigje.

https://klankosova.tv/rrahen-mes-vete-plisat-dhe-xhebrailat-video/