Tre të arrestuar në Tiranë, dyshohen se shfrytëzonin tri të mitura për prostitucion

Policia e Tiranës ka arrestuar tre persona, dhe ka shpallur në kërkim bashkëpunëtorin e tyre, nën dyshimin se shfrytëzonin tri vajza të mitura për prostitucion. Njëra nga të miturat është 15 vjeçare, njëra 16 dhe tjetra 17, ato janë proceduar në gjendje të lirë për ushtrim prostitucioni. Dyshimet janë se autorët pasi kontaktonin me persona të tjerë, i adresonin ata për në hotelet ku akomodoheshin të miturat, në zonën e Larushkut, Fushë Krujës, dhe në Arameras. Gjatë kontrollit të policisë, u gjetën sasi lënde që dyshohet se është kanabis, ajo u sekuestrua në cilësinë e provave materiale së bashku me tre aparate celulare, raporton Euronews.al, transmeton Klankosova.tv. Tre personat e ndaluar, si dhe bashkëpunëtori i tyre janë nga fshati Larushk i Fushë-Krujës.