Tre nxënës të vrarë e gjashtë të plagosur nga të shtënat në shkollën e SHBA-së

Tre persona, përfshirë autorin e dyshuar, humbën jetën nga të shtënat e raporutara në një shkollë të Shteteve të Bashkuara të Amerikës.. Sipas shefit të Policisë së Madison-it, Shon Barnes, aktualisht janë gjashtë të plagosur me gjendjen e tyre që varion nga plagë të lehta deri në kritike, transmeton klankosova.tv. Policia arriti në vendngjarje rreth orës 11:00 sipas kohës lokale (17:00 GMT) dhe filloi menjëherë të ofrojë ndihmë të parë për të plagosurit. Aty u gjet edhe një i mitur, i dyshuar si autor i sulmit dhe që besohet të ketë qenë nxënës në shkollë, i cili ishte tashmë i pajetë. Policia sipas BBC, nuk ka përdorur armë gjatë ndërhyrjes, ndërsa sulmi ndodhi pranë një qendre stërvitjeje të policisë. Shefi Barnes konfirmoi se do të ketë një tjetër përditësim për ngjarjen pas rreth dy orësh. Detaje të reja do të raportohen ndërkohë që hetimet vazhdojnë.