Trajneri i Bayern Munich, Julian Nagelsmann rezulton pozitiv me koronavirus

Trajneri i Bayern Munich, Julian Nagelsmann ka rezultuar pozitiv me COVID-19, njoftoi klubi gjerman të enjten. Nagelsmann, 34 vjeç, rezultoi pozitiv pavarësisht se ishte plotësisht i vaksinuar, thuhet  një deklaratë e klubit. Ai udhëtoi në Lisbonë për ndeshjen e Ligës së Kampionëve të UEFA kundër Benficas, por nuk mori pjesë në ndeshjen e së mërkurës mbrëma, e fituar 4-0 nga Bayern. "Ai po kthehet në Munich veçmas nga ekipi me ambulancë ajrore dhe do të izolohet në shtëpi", theksohet në deklaratë, transmeton Klankosova.tv. Nagelsmann ka shijuar një fillim të mirë që kur kaloi te kampionët gjermanë nga RB Leipzig në korrik, duke fituar trofeun e tij të parë me fitoren e Superkupës gjermane në gusht.