"Tragjedia na ka tronditur", thotë kryeministri i Indisë pas rrëzimit të aeroplanit

Kryeministri i Indisë, Narendra Modi, tha se rrëzimi i aeroplanit në Ahmedabad e ka tronditur dhe trishtuar vendin. "Tragjedia në Ahmedabad na ka tronditur dhe trishtuar. Është zemërthyes përtej fjalëve", tha ai në një postim në X, raporton CNN, transmeton Klankosova.tv. "Në këtë kohë të trishtueshme, mendimet e mia janë me të gjithë të prekurit prej saj. Kam qenë në kontakt me ministrat dhe autoritetet që po punojnë për të ndihmuar të prekurit", shtoi ai. Aeroplani i Air India me 242 pasagjerë që udhëtonte për në Londër është rrëzuar pas ngritjes në Ahmedabad, në Indinë perëndimore. https://klankosova.tv/30-trupa-nxirren-nga-vendi-ku-u-perplas-aeroplani-air-india/