Tragjedia e Los Angeles: Zjarret shokuan edhe shkrimtarin e njohur John Vaillant

Shkrimtari i njohur dhe fitues i Çmimit Baillie Gifford, John Vaillant, ndodhet aktualisht në Californian Jugore, duke ndjekur nga afër zjarret masive që kanë përfshirë zonën e Los Anxhelosit. Gjatë një interviste për programin "Today" në BBC Radio 4, Vaillant e përshkroi situatën si "tragjikisht të njohur", transmeton klankosova.tv. Ai vuri në dukje një model global të ngrohjes së planetit dhe intensifikimit të zjarreve në vende të ndryshme, si Evropa Jugore, Kanadaja Veriore dhe California. ''Kur shikon shtrirjen globale të këtyre fenomeneve, ngrohjen e vazhdueshme të planetit dhe intensifikimin e zjarreve në shumë zona, modeli bëhet i qartë'', tha Vaillant, libri i të cilit rrëfen historinë e një qyteti në Kanada që u përfshi nga zjarret masive. Megjithatë, për banorët e Los Angeles, këto zjarre janë ende një përvojë e re dhe tronditëse. ''Ka një shkëputje të çuditshme midis habisë individuale përballë këtij fenomeni dhe trendit më të gjerë të shumë rasteve të mëparshme të zjarreve si këto. Më habit fakti që ata janë të habitur'', shtoi ai. Vaillant gjithashtu përshkroi pamjet e lagjeve të shkatërruara nga flakët si "të panjohshme", duke theksuar shkatërrimin e madh që kanë sjellë zjarret në rajon.