Togeri i Kosovës arrin sukses në Britani, Ambasada: Krenarë që mbështesim zhvillimin e FSK-së

Togeri i Forcës së Sigurisë së Kosovës (FSK), Endi Sherifi, ka marrë vlerësim të veçantë në Britani të Madhe, pas përfundimit të Kursit Luftarak për Komandant të Togut të Këmbësorisë (PCBC). Kjo u bë e ditur nga Ambasada Britanike në Kosovë, përmes një postimi në Facebook. https://klankosova.tv/oficeri-i-fsk-se-vleresohet-me-mirenjohje-te-vecante-ne-mbreterine-e-bashkuar/ “Urime togerit Endi Sherifi për arritjen e vlerësimit të veçantë me rastin e përfundimit të Kursit Luftarak për Komandant të Togut të Këmbësorisë (PCBC) të Britanisë së Madhe. Ky kurs shumë kërkues fokusohet në përgatitjen e komandantëve të togjeve me aftësi taktike, të fortë fizikisht dhe mendërisht”. “Mbretëria e Bashkuar është krenare që mbështet zhvillimin e FSK-së si një institucion profesional të sigurisë, shumetnik dhe me llogaridhënie demokratike”.