Titulli sonte vendoset në “Minatori”

Kampioni do të vendoset sonte në Mitrovicë. Në palestrën “Minatori”, Trepça dhe Peja, do ta luajnë finalen e pestë. Seria e katër ndeshjeve të mëparshme është 2:2. Ekipi mitrovicas dhe ai pejan I fituan ndeshjet si vendas. “Xehetarët” fituan 94:86 dhe 97:90, kurse “verdhezinjtë” fituan 107:79 dhe 87:83. Po ashtu sonte pritet të shpallet MVP. Mitrovicasit për herë të fundit ishin shpallur kampionë më 2012, kurse pejanët një vit më vonë, 2013. Në këtë edicion mitrovicasit fituan Kupën, kurse pejanët ishin finalistë të Ligës Ballkanike. Për të depërtuar deri në finale, Trepça kishte eliminuar Bashkimin dhe Sigal Prishtinën, ndërsa Peja eliminoi Golden Eagle Yllin. Ndeshja transmetohet në Kujtesa dhe Art Motion./Klankosova.tv *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.