Tiranë: Ra nga kati i pestë, vdes 31-vjeçari

Mbrëmjen e së shtunës, një rast tragjik ka ndodhur në kryeqytetin shqiptar, Tiranë. Një 31 vjeçar ka vdekur pasi kishte rënë nga kati i pestë i një ndërtese në Rrugën e Kavajës, shkruan TV Klan transmeton Klankosova.tv Me të pranuar lajmin, në vendin e ngjarjes ka shkuar policia dhe nga kryerja e veprimeve hetimore rezulton se ai ka rënë nga kati i pestë i pallatit. I riu është transportuar në spital, por si pasojë e dëmtimeve ka ndërruar jetë. Policia thotë se i riu pavarësisht se u gjet në Rrugën e Kavajës, rezulton se banimin e kishte në anën tjetër të kryeqytetit, në rrugën “Myslym Keta”. Deri më tani nuk dihen rrethanat e kësaj ngjarje. Grupi hetimor po vijon punën për të zbuluar shkaqet e vërteta të kësaj tragjedie.