Tiranë: Plagosi me thikë dy 18-vjeçarë, identifikohet dhe shpallet në kërkim i mituri

Një i mitur është identifikuar dhe shpallur në kërkim, pasi dyshohet që goditi me thikë dy 18-vjeçarë. Ngjarja ka ndodhur ditën e sotme rreth orës 14:30 në rrugën “Asim Vokshi” në Tiranë. 16-vjeçari gjatë një konflikti për motive të dobëta, goditi me thikë A. M., dhe E. M., të dy 18-vjeçarë, raporton Top Channel, transmeton Klankosova.tv, Pas kryerjes së aktit i dyshuari është larguar, ndërsa tashmë është në kërkim nga policia. Nga ana tjetër të plagosurit ndodhen në spital dhe janë jashtë rrezikut për jetën. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.