30.08.2022 · përditësuar para 1423 dite1 min lexim
Nesër në Prishtinë protestohet në sheshin “Zahir Pajaziti” pas rastit të përdhunimit të 11-vjeçares.
Lidhur me këtë rast të rëndë, në të njëjtën ditë do të protestohet edhe në Tiranë.
Në rrjete sociale ka nisur të shpërndahet thirrja për pjesëmarrje nesër në orën 18:30 në sheshin “Nënë Tereza”.
“Solidaritet me Prishtinën, për mbrojtjen e vajzave dhe grave nga dhuna patriarkale”, thuhet në njoftimin e protestës.
11-vjeçarja dyshohet se është përdhunuar të shtunën nga pesë persona për rreth 7 orë.
Të dyshuarit janë arrestuar.
