Tirana e dyta pas Antalias për rritjen më të lartë të turizmit, thotë Rama

Kryeministri i Shqipërisë, Edi Rama, tha sot se Shqipëria ka shënuar këtë vit rritjen më të madhe të turizmit me mbi një milion turistë të huaj të hyrë në vend gjatë sezonit.

Sipas Ramës, në një nga klasifikimet e bëra për rritjen më të lartë të turizmit, në gjithë zonën e Mesdheut, Tirana zë vendin e dytë pas Antalias.

Jo më larg se sot unë kam marrë shifrat e këtij viti, që flasin më qartë se çdo fjalim, për vizitorët e huaj, duke përjashtuar vizitorët nga Kosova, që hyjnë të paregjistruar. Në qershor kemi pasur 604 mijë turistë, përfshirë dhe turistët nga Kosova. Sot kemi 876 mijë turistë të huaj, pasaporta të huaja, as të Shqipërisë, as të Kosovës. Në korrik kemi pasur 1.1 milion, sot kemi 1.4 milion pasaporta të huaja. Në këtë periudhë, 1 deri në 7 gusht, 411 mijë vitin e kaluar, 482 mijë sivjet. Në një nga klasifikimet e bëra për rritjen më të lartë të turizmit, në gjithë zonën e Mesdheut, Tirana zë vendin e dytë pas Antalias”, tha Rama. /euronews.al