Tifozëria shqiptare “kall” Dortmundin (VIDEO)

Mbrëmjen e sotme, me fillim nga ora 21:00, Shqipëria do të nis fushatën e saj të Euro2024 kundër Italisë në Dortmund, Gjermani. Ka kohë që biletat për këtë ndeshje janë shitur, dhe pritet që numri më i madh i tofizëve të jetë në anën e kuqezinjve, raporton Klankosova.tv. Kjo po dëshmohet edhe nëpër rrugët e Dortmundit, ku shumë tifozë janë mbledhur e po vallëzojnë nën ritmet e daulleve e surleve. Nga pamjet që ka kapur ekipi i Klan Kosova, aty shihen shqiptarë të të gjitha moshave, nga fëmijë e deri te të moshuar. Një pjesë e madhe e tyre mbajnë në kokë plisin, kurse ngjyrat kuq edhe zi në veshje nuk mungojnë pothuajse te asnjëri nga ta. Mes flamurit kuqezi, vende-vende është parë edhe ai i Kosovës. [caption id="attachment_2328476" align="alignnone" width="640"] Flamuri kombëtar, i Kosovës dhe ai "Autochtonous" në Dortmund, Gjermani, në prag të ndeshjes Itali-Shqipëri për Euro2024. Foto: Klankosova.tv[/caption] Të gjitha ndeshjet e Kampionatit Evropian 2024 mund t’i ndiqni në Klan Kosova dhe Artmotion. /Klankosova.tv https://youtu.be/YpCFlkQYOro