Thyhet objekti i stadiumit të Arbërisë

Arbëria ka njoftuar se disa persona e kanë thyer objektin e stadiumit të tyre. Klubi nga Lipjani në një komunikatë për media tregoi se ngjarja ka ndodhur në orët e hershme të mëngjesit, dhe se policia ka marrë masat e nevojshme. "Sot në mëngjes kemi vërejtur se disa persona të pandërgjegjshëm kanë thyer objektin e stadiumit të Arbërisë. Ata kanë hyrë brenda dhe kanë vjedhur pajisje të vlefshme për stërvitje. Është shumë e dhimbshme të shohësh se ende ka njerëz që dëmtojnë pronën dhe punën e të tjerëve pa asnjë ndërgjegje", thuhet në komunikatë. "Policia është njoftuar menjëherë, ka dalë në vendin e ngjarjes dhe ka marrë të gjitha shënimet e nevojshme". "Shpresojmë që autorët të zbulohen sa më shpejt dhe të mbahet përgjegjësi për këtë akt të turpshëm".