Thirrja e Arsenjeviqit për patrullime në veri, Elshani: Asgjë s'bëhet jashtë ligjeve të Kosovës

Kryetari i Partisë serbe "Demokracia e re", Aleksandar Arsenjeviq, po pretendon se shqiptarët po i ngacmojnë serbët në veri. Ai, bile iu ka bërë thirrje qytetarëve atje që të organizojnë patrullime në ato zona. E lidhur me këtë është deklaruar edhe policia. Zëvendësdrejtori për veriun, Veton Elshani, tha për Klankosova.tv se asgjë nuk do të bëhet jashtë ligjeve të Kosovës. "Ne jemi për bashkëpunim me qytetarë, por asgjë nuk bëhet jashtë ligjeve të Kosovës", deklaroi Elshani. "Pse jo, ne jemi që të bashkëpunojmë, sepse edhe puna jonë varet prej qytetarëve. Ne jemi për të punuar bashkarisht, për t'i luftuar dukuritë negative, por kjo brenda rregullave që parasheh legjislacioni në fuqi i Kosovës", deklaroi ai për Klankosova.tv. https://klankosova.tv/pretendon-se-shqiptaret-po-i-ngacmojne-serbet-arsenjeviq-i-fton-qytetaret-te-organizojne-patrullime-ne-veri-video/