Theret me thikë një 40-vjeçar në Korçë

Një person i moshës 40-vjeçare është therur me thikë mbrëmje e sotme në Korçë. Mësohet se ngjarja ka ndodhur në afërsi të katedrales së Korçës, ku një person ende i paidentifikuar për policinë ka qëlluar me thikë tri herë 40-vjeçarin. I theruri me thikë ndodhet aktualisht në spitalin e Korçës, ku po i nënshtrohet edhe një ndërhyrje kirurgjike, raporton Euronews.al, transmeton Klankosova.tv. Dy persona janë shoqëruar nga policia për t’u marrë në pyetje mbi ngjarjen që ka ndodhur.