Themeluesi i Telegramit thotë se mbi 100 fëmijët e tij do të marrin hise në pasurinë e tij

Pavel Durov, themeluesi dhe drejtori ekzekutiv i aplikacionit “Telegram”, planifikon t'ua lërë pasurinë e tij më shumë se 100 fëmijëve që ka. Manjati i teknologjisë me origjinë ruse ka zbuluar se pasuria e tij do të ndahet midis gjashtë fëmijëve të tij nga lidhjet dhe dhjetëra të tjerëve që i ka lindur përmes dhurimit të spermës, shkruan CNN, transmeton Klankosova.tv. Në një intervistë të gjerë të botuar të enjten në revistën politike franceze “Le Point”, 40-vjeçari zbuloi se nuk bën dallim midis fëmijëve të tij ligjorë me tre gra të ndryshme dhe atyre të ngjizur me spermën që ai dhuroi.